Hitzen beldur

Hotzak nago ama

Kalean bero dago, baina ni

Hotzak nago ama

Behatzak hoztu zaizkit

Hotzak nago ama

Nondik etorriko ote zait hau ama?

Hotzak nago ama

Guztiek beroa dute eta ni

Hotzak nago ama

Ohe barruan sartu eta

Hotzak nago ama

Bikotekidearen igurtziak jaso eta

Hotzak nago ama

Ur berotan sartu eta

Hotzak nago ama

ZER DUT AMA!

Hotzak zaude seme

Hitz egiterakoan

Hotzak zaude seme

Niregana hurbiltzen zarenean

Hotzak zaude seme

Ezer kontatzen ez didazunez

Hotzak zaude seme

Laztanik nahi ez duzunez

Hotzak zaude seme

Inork laguntzerik nahi ez duzunez

Hotzak zaudue seme

Guztiok esandakoa txintik esan gabe betetzen duzunez

Hotzak zaude seme

Begiak ireki eta natura begiratzen ez duzunez

Hotzak zaude seme

BADAKIT ZER DUZUN SEME!

Hitzak gure barnean gordetzea,

Zezenak leku itxietan sartzea bezala da

Irtetzen uzten ez dugun hitz bakoitza

Adarkada baten modukoa da,

Eta adarkadaz adarkada

Odol hustu egingo gara

Honela gure gorputza

Hoztu egingo delarik

Beraz seme,

Hasi sentimenduak kaleratzen

Bestela biok hoztuko gara

Bai zu eta baita ni ere
Eta biona hoztuko da
Bai zurea eta baita nirea ere

Juan Urretavizcaya Eceizabarrena

EAS mediatikak

Ihauteriak pasa dira eta gu ere eguneroko bizitzara bueltatu gara. Beti esan izan dut ihauteriak parentesi baten moduak direla, Tolosar eta ingurukoentzat mundua geratzen dela esan dezaket. Nik 7 egunetan ez du albisterik entzun, ez dut korreorik irakurri, ez dut gutun azalik irakurri,... eta ihauteriak bukatutakoan halaxe nituen 68 korreo elektroniko eta 17 gutun azal.

Baina parentesi horretan gustura bizi gara eta dagoeneko hurrengo ihauterietarako egunak kontatzen ari gara, geroz eta gutxiago falta da.

Aurten ere 3 mozorro atera ditugu, Igandean JMJ mugimenduz atera ginan, Papa eta bere obispoak Tolosara joan ginen eliza eta guzti kalean alaitasuna banatzera.

Astelehenean aldiz Etxeko andreen sindikatua atera zen kalera, beraien helburua Robotak desagertaraztea eta garbiketa tradizionala bueltatzea, eskoba eta fregona bait dira ixkinak garbitzeko bide bakarra. Alaxe elkartu ginen 11 etxeko andre Tolosako kaleetan zehar manifestaldia egiteko asmoz. Ordu txikiak harte halaxe ibili ginen pegatinak itsasten eta builak kalera ateratzen. Atzo osteguna, argazkia gazteako Walking dida lehiaketara aurkeztea erabaki nuen, mozorrorik hoberena saritu dute dagoeneko eta 10 lagunentzako sagardotegiko bazkaria daukagu sari modura. Beraz noiz joan erabakitzeko beste bilkura bat egin beharko du EAS.

 Etxeko Andreak Sindikatua sinadurak biltzen paseo San Frantzisko ibiltokian

  

Zorionak Etxeko Andreak lortu duzue!!

 

Azkenik asteartean azken indarrak kaleratzeko orain 1 urte erabakitako mozorro batekin irten ginen. Aurreko ihauterietan oialume dantzalekuz irtetea erabaki genuen eta halaxe egin genuen, udara partean Art-ak erosi nituen bertara joaten zirenen ohiko oinetakoa. BMW M3a ere aparkatu nuen eta festara jetsi nintzen nire lagun Eguzki, Alaia, Ainitze,... Kriston juerga bota genun eta eztarri ederki urratu ere bai. 

 

 Nere BMW M3 aparkatu eta zezen plazara bidean

 

 

 Oialumen elkartu ginen koadrilla sanoa

 

Halaxe pasa genituen egunak eta oso gustura, beraz lehen esan moduan beste urtebete (baina gutxiago) itxarotera.

 

Ihauteriak urte osorako bizipoza ematen didate eta gainera Sagardotegira joateko saria ematen badigute zer gehiago eska diezaiokegu galtzaundiri??

 

Dagoeneko hasi gara hurrengo urterako zein mozorro SORTU pentsatzen, agian honegatik ditut hain gogoko ihauteriak.

 

Ongi izan

"hi nundik atea haiz..."

Zenbat urte, eta zein azkar joaten diren. Aspaldi izan nuen blog hau sortzeko ideia, baina beti perezakin, ta ze egun gaurkoa baina hobea nire bloga sortzeko. Zein izen aukeratzerakoan ere izan nituen zenbait zalantza, nire izena jarri? Juan Urretavizcaya? ez da egokiena, zerbait sortzaileagoa jartzea erabaki nuen eta halaxe egin dut, ezer aukeratu ezinean Mikel Laboaren abesti batetan oinarritu naiz.

Halaxe kantatzen zuen Mikel Laboak bere kantuz abestian;

Kantuz sortu naiz eta kantuz nahi bizi,
kantuz igortzen ditut nik penak ihesi;
kantuz izan dudana zerbait irabazi,
kantuz gostura ditut guziak iretsi;
kantuz ez duta beraz hitzea merezi?

Kantuz eman izan dut zonbeiten berriak,
kantuz atseginekin erranez egiak;
kantuz egin baititut usu afruntuiak,
kantuz aitortzen ditut nere bekatuiak,
kantuz eginen ditut nik penitentziak.

Kantuz ehortz nezate, hiltzen naizenian,
kantuz ene lagunek harturik airian;
kantuz ariko zaizkit lurrean sartzian;
kantuz frago utziko diote munduan,
kantuz har diten behi nitaz orhoitzian.

Mikel Laboa

Bera kantuan zen abila baina nire bizitzatxoa pixka bat kontatuko dizuet. Txikitatik izan naiz nahiko txoroa, eta saltsero bat ere bai. Ez dut inoiz jakin zertan naizen benetan abila, denean ibili izan naiz gustura antzerkian, dantzan, kantuan, idazten, marrazten,... Artearekin lotutako gauza guztiek erakarri izan naute beti, espresatu nahia beti. Nire attonak ala esaten zidan "hi nundik atea haiz, gu hain seriok eta hi..." baina horrek lagundu dit askotan aurrera egiten eta indarrak hartzen. Beraz ementxe nago 22 urterekin sortzen dudan guztiaren berri emateko prest.

Aurrerago segiko dut gauzatxoak kontatzez momentuz, SORTU, gehiagorik ez dizuet esango. 

Sortuz bizi nahi bait dut

Zertarako bizi, sortu gabe

Sortzea helburu

Sortzea fruitu

Zertarako jaio gai ez bagara

Zertarako jaio gogorik ez badugu

Ez sortzea bizipozik ez izatea da

Ez sortzea triste bizitzea da

Bakoitzak bere erara

Eskuekin, begiekin, ahotsarekin, ...

Sortzeko era asko daude

Nola sortu ere sorkuntza bat izan daiteke

Jainkoak 7 egunetan egin omen zuen

Zer egin zuen ba?

Guztia sortuta balego, zergaitik jarraitzen dugu sortzen?

Gezur galanta sortu zuen norbaitek

Gezur galanta sinestarazi

Baina sorkuntza berriek aurrekoa desagertarazi beharrean

Batzuetan berritu egiten dute

Izan gaitezen sortzaile

Segi sortzen ahal duzun heinean

Guztiok bait daukagu barnean

Sortuko dugun esperantza

Guztiok bait daukagu barnean

Egunero jaiotzen den sortzaile berri bat

Juan Urretavizcaya